Check SIR Form Online Status
SIR Form Online Submit Hua Ya Nahi – Mobile Se Check Karein
Ab yeh SIR Form aapne apni taraf se complete detail me fill karke sahi tareeke se BLO ko submit kar diya hai.
Par ab kaise pata chale ki BLO ne ise online kiya hai ya nahi? Kaise pata chale ki aapki SIR sahi tareeke se complete hui hai ya nahi?
Aapka naam sahi tareeke se chadha hai ya nahi? Toh yeh check karna bahut zaroori hai—apna bhi aur apne parivaar ke sadasyon ka bhi.
Yeh kaam aap apne mobile se bahut aasani se kar sakte hain. Aap yeh jaan sakte hain ki BLO ne aapka yeh wala form submit kiya hai ya nahi.
Aur agar nahi kiya hai, to aap BLO ko bol sakte hain ki humne SIR Form submit kar diya hai, aap ise online kab kar rahe ho?
Ek cheez dhyaan rakhiye: jab tak yeh online nahi hota, ise fill karke dene ka koi matlab nahi, kyunki yeh nirvachan aayog tak pahucha hi nahi—age process hi nahi hota.
Isliye online status check karna bahut zaroori hai.
Mobile Se SIR Form Status Kaise Check Karein?
Aayiye, step-by-step jante hain ki aap apne mobile se yeh SIR Form online hua ya nahi check kaise kar sakte hain.
1. Mobile Me Browser Open Karein
Apne mobile phone me koi bhi browser open karein. Jaise Chrome browser use kar rahe hain, to ise open kar loo.
2. Google Par Search Karein – “Voter ECI”
Chrome open karne ke baad Google par search karein: Voter ECI
type karke search karenge. Search karte hi aapko sabse upar website dikhegi. Jahan Voters likha hua aayega. Us option par click kijiye.
3. Website Par Login Karein
Website open hote hi aapko top par Login ka option dikhai dega. Ispar click karein.
- Yahan mobile number enter karein
- Captcha fill karein
- Request OTP par click karein
- Mobile par aaya OTP enter karke Verify & Login karein
4. Enumeration Form Ka Option Choose Karein
- Login ke baad neeche scroll karein.
- Aapko ek option dikhega: Fill Enumeration Form Is option par click karein.
5. Apna State Select Karen
- Sabse pehle apna state choose karein.
- Phir apna Voter Card Number enter karein aur Search par click karein.
Status Kaise Pata Chalta Hai?
✔ Agar Form Submit Ho Chuka Hai
Toh screen par likha aayega:
“Your form has been submitted with mobile number …”
- Aapka mobile number bhi aayega.
- Neeche likha hoga — For more details, contact your BLO.
- Yani aapka form already submit ho chuka hai.
✔ Agar Form Submit Nahi Hua Hai
Toh aapke saamne aapke voter card ki complete detail open ho jayegi.
Yahan par name wagaira sab kuch dikhai dega, aur form fill karne ka option bhi aayega.
Jaise yahan Niche example me dikh raha hai — yeh ek form hai jo submit nahi hua hai.
Agar aapke samne iss tarah ka interface aata hai, to samajh lijiye ki aapka SIR Form online submit nahi hua hai.
Submit hua hota to yahan Submitted likha aata.
Abhi Check Kariye
Agar form submit nahi hua hai to turant BLO se contact karein.
Agar aapne SIR Form bhar kar BLO ko de diya hai, to unhe online update karna hi hoga.
FAQs
Q 1. SIR Form online submit hua ya nahi kaise check karein?
Ans. Mobile browser me “Voter Voters PCI” search karke login karen aur enumeration form me voter card number se search karke status dekh sakte hain.
Q 2. Agar form online submit nahi mila to kya karein?
Ans. Aap BLO se turant contact karein aur unhe form online karne ke liye bolen.
Q 3. Form submit karna zaroori kyu hai?
Ans. Kyuki online submit nahi hone par SIR complete nahi hoti aur naam voter list me update nahi hota.
Q 4. Status check karne ke liye voter card number chahiye?
Ans. Haan, search karne ke liye voter card number enter karna hota hai.
Q 5. OTP nahi aata to login kaise karein?
Ans. OTP aaye bina login nahi hota — fir se request karein ya network change karke try karein.
[ SIR Program Form Kaise Bharen ]
