Tatkal Ticket Aadhaar Linking
Indian Railway ne Tatkal ticket booking ko लेकर ek bada rule change kar diya hai.
Ab agar aap 60 din advance Tatkal ticket book karte hain aur starting ke 15 minutes ke andar ticket confirm karna chahte hain, to aapke IRCTC account me Aadhaar card ka linked hona mandatory ho gaya hai।
Iska matlab simple hai – bina Aadhaar link kiye aap Tatkal booking ke first 15 minutes ka benefit nahi le paoge.
Is guide me hum do important cheezein samjhenge:
1️⃣ IRCTC account me Aadhaar card kaise link karein
2️⃣ Agar Aadhaar pehle se linked hai, to verify kaise karein ki sahi se authentication hui hai ya nahi
IRCTC App Se Aadhaar Linking Process
Step 1. Sabse pehle apne mobile me IRCTC Rail Connect App open kijiye.
Step 2. App open hone ke baad niche “My Account” option par click karein.
Step 3. Ab yahan aapko “Authenticate User” ka option dikhega, us par tap kijiye.
Step 4. Next screen par “Select Authentication Type” ka option milega.
Step 5. Is par click karte hi aapko Aadhaar Card ka option dikhega.
Step 6. Simply Aadhaar par tap kar dijiye.
Green Page Aaya? To Kaam Ho Gaya 😄
Agar aapke screen par green color ka page aa jata hai jahan likha hota hai ki your details are already Aadhaar verified, to samajh lijiye aapka Aadhaar pehle se hi IRCTC account se linked hai।
Is case me aapko kuch bhi karne ki zarurat nahi hai।
Details Fill Karne Wala Page Aaya To?
Agar aapke saamne details fill karne wala page aata hai, to iska matlab aapka Aadhaar abhi linked nahi hai।
Yahan aapka full name pehle se filled hota hai, use change na karein.
Neeche apna 12-digit Aadhaar number sahi-sahi enter karein.
Date of Birth aur Gender already mentioned hota hai, bas verify kar lijiye.
OTP Verification Process
Ab Terms & Conditions ke box par tick mark karein aur Send OTP par click karein.
Dhyaan rahe, OTP IRCTC wale number par nahi, balki Aadhaar se linked mobile number par aayega.
OTP enter karke Update par click kar dijiye.
KYC Update & Confirmation
OTP verify hote hi aapki Aadhaar se related basic details screen par aa jayengi,Sab details sahi ho to Update KYC par click karein.
Confirmation popup aate hi samajh lijiye aapka Aadhaar successfully authenticated ho chuka hai.
Aadhaar link hone ke baad agar turant check karoge to green page shayad na dikhe.
Usually 5–10 minutes ka time lagta hai update hone me, Thodi der baad dobara check karoge to verified status show ho jayega.
Final Words
Agar aap regularly Tatkal ticket booking karte hain, to Aadhaar linking ko ignore na karein.
Ye chhota sa step aapko booking ke crucial 15 minutes me bada advantage deta hai.
Aravalli Bachegi Ya Tabah Ho Jayegi?
