SIR Form Date Extended
📌 SIR Form ki Last Date 7 Din Badh Gayi
Jaise ki aap sabhi ko pata hai, SIR form ki date badha di gayi hai. 7 din badha diye gaye hain.
4 December tak yeh kaam complete hona tha, lekin ab yahi kaam 11 December tk complete hoga.
Matlab aap apna Enumeration Form / SIR Form 11 December tak submit kar sakte ho.
New Draft Voter List Kab Aayegi?
Jo draft voter list 9 December ko aane wali thi, wo ab 16 December ko publish hogi.
Aur jo final voter list 7 February 2026 ko aane wali thi, wo ab 14 February 2026 ko publish hogi.
SIR Form Submit Nahi Kiya?
To aapke paas abhi 7 din ka extra time hai.
Jo log SIR form abhi tak submit nahi kar paaye, wo ab kar sakte hain aur apna naam new voter list me jodwa sakte hain.
⭐ Draft List Me Kaise Dikhega Naam?
Sirf BLO ko form dena enough nahi hai. Form ka online hona bhi jaruri hai.
Aap check kar sakte ho ki aapka form online hua ya nahi,
wo bhi 1 second me mobile se.
How To Check SIR Form Online Status ?
Aap apne parivar ke sabhi members ka form check jarur kar lo.
⭐ Agar Draft List Me Naam Nahi h?
Agar aapka naam 16 December wali draft list me nahi aata, to ho sakta hai aapne last SIR 2002/2003 ki details submit nahi ki ho.
📌 Jin logon ka naam 2002/2003 ki voter list me nahi hai Unhe documents dene honge.
Jab 16 December ko draft list publish hogi, uske baad citizenship proof maanga jayega un logon se jinka naam ya unke parents ka naam 2002/2003 voter list me nahi hai.
Election Commission ne 11 documents ki list jari ki hai, jinme se aapko 2 ya 3 documents dene pad sakte hain.
⭐ SIR Form ke liye 4 Categories (A, B, C, D)
🅰 Category A
- Jin logon ka janm 1 July 1987 se pehle hua hai
- Aur naam 2002/2003 voter list me hai
👉 Unhe koi document dene ki zarurat nahi hai.
🅱 Category B
- Janm 1 July 1987 se pehle
- Lekin naam 2002/2003 voter list me nahi
👉 Inhe 11 documents me se 1 document dena hoga.
🅲 + 🅳 Category C & D (Most People issi Me Aate Hain)
- Janm 1 July 1987 se 2 December 2004 ke beech
👉 2 documents dene honge (ek aapka, ek parents ka) - Janm 2 December 2004 ke baad
👉 3 documents dene honge
(ek khud ka, ek mother ka, ek father ka)
✔ Important Note
Agar aapke parents ka naam 2002/2003 voter list me mil jaye, to aapko koi document dene ki zarurat nahi hai —sirf us voter list ke page ki photocopy SIR form ke sath lagani hogi.
⭐ Kaunse 11 Documents Accept Honge?
Election Commission ke hisaab se inme se document diye ja sakte hain:
- Janm Praman Patra
- Passport
- Jaati Praman Patra (OBC/SC/ST caste certificate)
- Mool Niwas Praman Patra
- 10th Marksheet
- Parivar Register ki nakal
- Sarkar dwara di gayi zameen/makan ke kagaz
- 1 July 1987 se pehle sarkari ID
- Sarkari job ID ya pension kagaz
- Van Adhikar Praman Patra
- National Citizenship Register ka proof
Category ke hisaab se 1 / 2 / 3 documents dene padenge.
⭐ Documents Abhi Bana Lo
Aapke paas abhi time hai. Jab documents maange jayenge aur aapke paas ready nahi honge,
tab problem hogi.
Abhi aap aasani se banwa sakte ho:
- Jaati Praman Patra
- Janm Praman Patra
- Mool Niwas Praman Patra
Bahut saare log abhi apne certificates banwa rahe hain.
⭐ Form Jaldi Submit Karna Kyun Zaruri Hai?
Agar aap abhi tak form submit nahi kar paaye ho,
to jaldi se BLO ko de do.
Takki wo form online kar sake.
Rajasthan, Uttar Pradesh me to kaafi jagah SIR ka kaam almost complete ho chuka hai.
Aapko 11 December ka wait nahi karna —
pehle hi submit kar do.
