Best App For Tatkal Ticket
Train ki tatkal ticket ki booking ko karne ke liye na market me jitne bhi application maujood hai na, wo sirf aur sirf do hi type ke hote hain.
Agar aapne in dono type ke baare me bilkul detail me dhyan se samajh liya na, to aap yeh khud se samajh jayenge ki aapki train ki tatkal ticket ki booking ko karne ke liye na kaun sa application best hai.
Agar koi application best hai to wo kyu best hai, ye bhi aap samjhenge. Isi ke saath teen bonus point ko bhi batane wala hoon.
Fast Booking aur Slow Application Ka Reason
Isi ke saath-saath kaun se application ke andar jo tatkal ticket ki booking hai wo fast hogi aur bahut saare logon ki shikayat rehti hai ki bhai yeh falana application slow chalta hai, hang ho jata hai.
Iske peeche ka reason kya hai? Kaun se application se aapko tatkal ticket ki booking wo karni chahiye? Saara kuch bilkul detail me clear hone wala hai. Kona pakadiye aaram se baith jaiye.
Application Ke Do Type Samjhiye
To yahan aapko jo do type ke application ki baat kari thi na, to jo sabse pehle type ke application hote hain wo railway ke bilkul official ekdam direct application hote hain.
Aur inme sirf do hi application ka naam nikal kar ke aata hai:
- IRCTC
- Rail One
In dono application ko chhod ke na market me jitne bhi application ke naam aap jaante honge jaise confirm ticket, exgo, makemy, phonepe, paytm, ye sabhi railway ke yahan pe IRCTC ke through yahan pe partner application hote hain. Ye direct nahi hote hain.
Ye partner application hote hain aur aapko inhi dono ke beech me yahan pe difference ko samajhna hai.
Point 1: Kaun Se Application Me Ticket Sasti Milegi
To hamara yahan pe jo sabse pehla point nikal kar ke aata hai ki kaun se application ke andar jo booking hai wo saste me hogi.
To yahan pe bilkul clear cut answer hai ki jo bhi railway ke direct application hai inke andar jo ticket ka price hai aapko sasta dekhne ko milega.
Iska reason ye hai ki jitne bhi partner application hote hain inme agent charge lagta hai jo lagbhag 35 se 40 rupaye ke aas paas hota hai.
Ek aadha baar ye log agent charge nahi lete lekin maximum time lete hi hain.
To agar aapko sasti ticket chahiye to railway ke direct application ka use kariye.
Point 2: Features Ka Difference
Agar aapko tadhak-bhadhak wale advance feature pasand hain jaise 3x refund ya free cancellation waghairah, to railway ke direct application me ye feature nahi milte.
Inme sirf kaam ke feature milte hain jitne ka aapko kaam hai.
Lekin partner application me ye saare feature mil jate hain. Aur free cancellation ka matlab ye nahi hota ki ticket free me cancel ho jayegi.
Ye log pehle hi kuch paisa le lete hain aur fir feature offer karte hain.
To agar aapko simple kaam chahiye to official app use kariye.
Agar advance feature chahiye to partner app use kar sakte hain.
Point 3: Booking Timing (Sabse Important)
Ab samajhte hain teesra aur sabse final point jo decide karega ki aapko kaun sa application use karna chahiye.
Railway ki tatkal booking timing:
- Sleeper class: subah 11:00 baje
- AC class: subah 10:00 baje
Official application me booking exact same time pe start hoti hai.
Lekin partner application me booking 10 minute late start hoti hai:
- Sleeper: 11:10
- AC: 10:10
Busy Route vs Normal Route Strategy
Agar aapka route bahut busy hai to tatkal ticket ek do minute me hi khatam ho jati hai.
Agar aap partner app use karoge to tab tak log ticket le chuke honge.
To busy route ke liye official app hi use karein.
Agar route pe traffic nahi hai to aap partner application use kar sakte hain aur advance feature ka fayda le sakte hain.
Application Slow Kyu Chalta Hai
Bahut log bolte hain ki official application slow chalta hai.
Iska reason simple hai:
Sabse pehle booking yahin open hoti hai, isliye bheed bhi yahin aati hai.
Jahan bheed hogi wahan application slow chalega.
Final Conclusion
Agar aapka route busy hai to official application use kariye.
Agar route pe bheed nahi hai to 10-15 minute baad aake aaram se booking kariye.
Lekin risk lene par confirm ticket milne ke chance kam ho jate hain.
Voter ID Card Download Kaise Kare
