Rajasthan High Court Ka Bada Faisla
Patni Ko Karna Padega Sasur Ka Gujara Bhatta
Patni ko karna padega ab saas sasur ka gujara bhatta wo bhi tab tak jab tak wo log jeevit rahenge.
Aisa ek aadesh aaya Rajasthan High Court ka abhi ka 2025 ka hai.
Court ne ek patni ko aadesh de diya ki wo har mahine ke ₹2000 apne sasur ko degi aur kab tak jab tak wo sasur jo hai jeevit rahenge tab tak unka bharan poshan us patni ko karna padega.
Aisa Decision Kyun Diya
Ab aisa decision kyun diya main aapko starting se matter bata deta hoon.
Dekhiye hua kya tha ek pati jo tha wo sarkari naukri me tha aur unka jo bhai on duty kisi karan se unki jo hai death ho gayi.
Ab unki naukri jo hai wo uske parivar ke sadasyon ko milne wali thi.
Sasur Ne Bahu Ka Naam Diya
Ab aise me sasur ne naam rakh diya apni bahu ka yani ki putravadhu ka naam rakh diya ki bhai mere bete ki jo naukri hai putravadhu ko milni chahiye aur ye putravadhu kya karegi hamari poore jeevan jo hai bhai hamari seva karegi.
Lekin jaise hi naukri haath aayi jo putravadhu ne kya kiya thoda unke beech me manmutav ho gaya to unhone unki seva band kar di.
Rit Petition Aur Maintenance Ki Demand
To ab sasur ne jo hai rit petition lagai hai ki yachikakarta ne jo ki sasur hai Bharat ke Anuchhed 226 ke tahat yeh diwanni rit yachika daayar ki hai jisme prativadi sankhya ek se teen ko uchit nirdesh dene ki maang ki gayi hai taki yeh sunishchit kiya ja sake ki prativadi sankhya chaar apne pati ke parivar ke sadasyon ka bharan poshan aur dekhbhal karne ke apne kanuni aur naitik dayitva ka palan kare.
Salary Ka 50 Percent Ka Mudda
Yachika me yeh bhi prarthna ki gayi ki yadi prativadi sankhya chaar is dayitva ko nibhane me viphal rahti hai to prativadi sankhya ek se teen ko nirdesh diya jaye ki prativadi sankhya chaar ke vetan ka 50 percent kaatkar yachikakarta bank khate me jama kare.
Department Ko Bhi Party Banaya
Ab prativadi ek se teen kaun hai department wale hain.
To yahan pe sasur ne kya kiya hai department ko bhi party banaya hai yani ki jo patni ko jo naukri mili hai jis department me patni naukri kar rahi hai us department ko bhi yahan pe party banaya hai.
Naukri Transfer Aur Compassionate Appointment
Matter yeh tha ki yachikakarta swargiya Rajesh Kumar ke putr prativadi vibhag me sarkari naukri pe the aur unki death ho gayi.
Unke nidhan ke parinaam swaroop prativadi vibhag ne patr jari kiya aur niyamon ke tahat niyukti ke liye aavedan dene ko kaha.
Aisa prateet hota hai ki prativadi sankhya chaar yani ki patni ne bhi anukampa niyukti ke liye aavedan diya.
Record ke anusaar naukri ka prastaav diya gaya aur yachikakarta ne swayam sifarish ki ki naukri bahu ko di jaye.
Matbhed Aur Family Se Alag Rehna
Baad me kuch karanon se yachikakarta aur prativadi sankhya chaar ke beech matbhed paida ho gaye aur prativadi sankhya chaar apne mata pita ke saath rehne lagi aur parivar se sambandh tod liya.
High Court Ka Observation
High Court ne kaha ki anukampa niyukti ka prarambhik prastaav yachikakarta ke paksh me tha aur parivar ke kalyan ke liye prativadi sankhya chaar ko diya gaya tha.
Yachikakarta ek vriddh vyakti hai jiske paas koi aay ka srot nahi hai aur wo bimariyon se pidit hai.
₹2000 Per Month Ka Order
Tathyon ko dhyan me rakhte hue nyayalaya ne uchit samjha ki prativadi sankhya chaar har mahine ₹2000 yachikakarta ko degi aur yeh bhugtan uske jeevan kaal tak jari rahega.
Final Decision Rajasthan High Court
Adhikaarion ko aadesh diya gaya ki ₹2000 salary se kaatkar sasur ke khate me daal diya jaye aur baaki rashi patni ko mile. Yeh decision Rajasthan High Court ka judgement tha 30 October 2025 ka.
Aapki Rai Kya Hai
Aapko ye jaankari kaise lagi hai aap zarur bataye ki yeh court ka decision sahi tha ya galat tha. Kisi bhi topic ke upar agar aapko aur jaankari chahiye to aap comment kar sakte ho.
[ New Pan Card Apply Online 2026 New Process]
[ Best App For Tatkal Ticket Booking ]
