RailOne Application New Registration
RailOne Application New Registration Kaise Kare
RailOne application ke andar na ek naya account banane yani ki new registration ko karne ke liye na aapke paas yahan par teen type ke jo option hai woh dekhne ko mil jate hain.
Aapko railway ke railone application ke andar ek new registration kaaise hota h batane wala hoon.
RailOne App Open Kare
Mobile phone ki screen yahan pe aapke samne nikal kar aa jaaegi.
Sabse pehle aapko apne mobile phone me railone app ko ek baar open kar lena hai.
Open jab karenge pehli baar kuch benefit feature dikhenge.
Inko dekh kar padh lijiye. Neeche uske baad aapko continue pe click kar dena hai.
RailOne Registration Ke Teen Option
Bilkul dhyan se samajhiye ga.
Agar aapne pehle IRCTC Rail Connect application me apna pehle se account bana kar rakha hai na to aap uski bhi detail ke through yahan pe registration apna kar sakte hain.
Dusra option agar aap chahe to yahan pe UTS application ke andar agar aapne pehle se account bana rakha ho aap uski bhi detail ko fill karke yahan pe aap chahe to apna naya registration kar sakte hain.
Fresh Registration Process
Ya phir teesra option bilkul ekdam fresh registration aap karna chahte hain to woh kaise karenge? Dhyan se samajna.
Yahan pe aap apna mobile number likh kar aage jo register wali button hai na is pe aap click karenge. Ab agle page pe aap pahunch jayenge.
Basic Details Fill Kare
Sabse upar na aap apna pehle full name likhenge. Full name wahi likhiye ga jo ki aapki ID proof pe hoga.
Dusre number pe aapka mobile number pehle se yahan pe likha rahega.
Teesre number pe aapko apni email ID likhni hai. Email ID working likhiye ga jis pe OTP wagairah aa sake.
Voter ID Card Download Kaise Kare
User ID Kaise Banaye
Chauthe paanchve number pe aapko ek user ID banane ka option dekhne ko mil raha hoga. User ID na bilkul aapko unique bana lena hai.
Aap apne naam me hi koi na koi ek letter add kar lijiye ga. 20, 25, 50, 30 aisa kuch bhi ekdam unique user ID bana lijiye.
Agar aap jo bhi user ID banayenge agar kisi ne pehle se le rakhi hogi na to yahan pe not available ya phir cross symbol aa jayega.
Lekin agar aapne bilkul unique user ID type ki hai to aapke samne green color se available likha aa jayega.
Strong Password Set Kare
Neeche aapko jo dono password banane ka option mil raha hai na to sabse pehle ek majboot password bana lijiye ga. Usi password ko neeche confirm kar lijiye ga.
Ek cheez ka make sure karke dhyan dijiye ga. Jo password aap banayenge woh 8 ankon ka hona chahiye.
Aur us password me:
- ek capital letter
- ek small letter
- ek numeric character (1 2 3 4)
- ek special character
hona chahiye.
Mobile Number aur Email Verify Kare
Ab baari aati hai ki aap apna email ID aur mobile number verify kariye.
Yahan pe verify wali button pe click kariye ga.
Mobile number pe click karenge to OTP aayega, fill karke verify kar lijiye ga.
Email ID pe click karenge to us pe bhi OTP aayega, usko fill karke verify kar lijiye ga.
Captcha Verification
Neeche aapko captcha verification karna hai.
Left side me jo image hai usko right side me jo match kare us par set kar dijiye ga.
Bas aapka captcha verification ho jayega.
MPIN Set Kare
Ab aap next page pe pahunch jayenge. Yahan pe aapko MPIN set karne ko bola jayega.
6 ankon ka koi bhi ek pin bana lijiye ga. Kyunki baar baar password dalna nahi padega.
Usi pin ko confirm kar dijiye ga.
Registration Complete
Jaise hi aap set MPIN karenge aapke samne registration successful aa jayega aur aap main home page par aa jayenge.
Ab aap reservation ticket, unreserved ticket, platform ticket sab kuch application ke andar kar sakte hain.
Aapka registration ho chuka hai.
