Census 2027 Online Form Process
Janaganana 2027 iski jo prakriya hai 1 April se shuru ho chuki hai aur is baar ghar baithe online bhi form bhare ja sakte hain.
Lekin sach yeh hai ki bahut saare log is form ko bharte samay kai saari galtiyan kar dete hain jiski wajah se aapka jo form hai woh reject bhi ho sakta hai.
Aur sabse badi baat yeh hai ki form bharne ke baad mein yahan par jo aapko ID milti hai, bahut saare logon ko yahi nahi pata is ID ka karna kya hai.
Online Form Kaise Bhare
Aaj aapko bataunga online tareeke se ganana form kaise bharna hai,
kya kya question pooche jaate hain aur form bharne ke baad mein jo ID aapko milti hai, uska kya karna hai, saari information aapko dene wala hoon.
Browser apna open karna hai. Yahan par aapko search karna hai Censusindia.gov.in to aap sabhi ke saamne iski jo official website hai aa jayegi.
Self Enumeration Option
- Abhi is page mein neeche ki taraf aaoge to ek option yahan par naya jud chuka hai self enumeration ka.
- To naya form hum apply karna chahte hain. To hum isi option pe click karenge.
- Ab humare saamne state ki ek poori list aa jayegi. To hum yahan par apne jo rajya ka naam hai woh select karenge.
Registration & Login Process
1. Yeh jo ganana form hai bharne mein 15 se 20 minute tak ka samay lag sakta hai. Abhi hum yahan par ok ke option pe click karenge.
2. Iske baad mein hume name of the household ke section mein aana hai. Yahan par parivar ka jo mukhiya hai uska jo naam hai woh darj karna hai.
3. Iske baad mein mobile number aur email id darj karni hai aur verify and proceed ke option pe click karenge.
4. OTP generate hoga aur portal ke andar login ho jayenge.
Location Aur Map Selection
Ab aapko state, district aur pin code darj karna hai.
Pin code darj karne ke baad mein ek map aa jayega jahan par aapko apne ghar ki location ko pin karna hai.
Yeh jo map hai, yeh kaafi jaruri hai kyunki aage jo data house to house liya jayega uske andar isi location ka use hoga.
House Details Information
Ab humare saamne kuch question aate hain.
- Janaganana makan ke farsh mein prayukt pramukh samagri
- Janaganana makan ke diwar mein prayukt pramukh samagri
- Janaganana makan ke chhat mein prayukt pramukh samagri
Makan ki condition kaisi hai jaise ki achhi hai, rehne layak hai ya phir kharab hai.
Family Details
1. Ab poocha jata hai is ghar ke andar kitne log rehte hain.
2. Parivar ke mukhiya ka naam, gender aur jati ki jankari darj karni hai.
3. Is makan ke owner ki sthiti kya hai.
4. Rehne layak uplabdh kamron ki sankhya daalni hai.
5. Parivar mein rehne wale vivahit logon ki sankhya darj karni hai.
Basic Facilities Information
- Paani ka source kya hai
- Pani ghar ke andar hai ya bahar
- Prakash ka source kya hai
- Washroom ki vyavastha kaisi hai aur uska prakar kya hai.
Kitchen & Cooking Details
- Rasoi ghar mein khana pakate hain ya nahi.
- LPG ya PNG gas connection hai ya nahi.
- Khana pakane ke liye pramukh source kya hai.
Assets and Equipment
1. Parivar ke paas radio, television, internet connection, laptop ya computer hai ya nahi.
2. Cycle, motorcycle, car ya koi or sadhan hai ya nahi.
Final Submission & ID Use
- Ab humare saamne ek summary page aa jayega.
- Saari information ko check karna hai aur verify karein aur submit karein ke option pe click karna hai.
Is tareeke se form bhar diya jata hai.
Important Note About ID
Yeh jo ID hai aapko dikhani hogi jab survey karne ke liye log aayenge. Agar aap share nahi karte ho to aapka form waste ho jayega.
Is tareeke se aap apna jo ganana form hai online tareeke se bhar sakte ho.
Baaki agar aap kuch aur janna chahte ho iske baare mein to mujhe comment mein likh kar puchna or kisi ko form fill up karwana h to usske liy bhi comment kr skte ho.
[ New Pan Card Apply Online 2026 New Process]
[ Best App For Tatkal Ticket Booking ]
