Aravalli
Haal hi mein Supreme Court Aravalli decision ko lekar desh bhar mein serious discussion shuru ho gayi hai.
Court ne Aravali mountain range ki ek nayi scientific definition ko accept kiya hai, jiske mutabik sirf wahi pahadiyan Aravali maani jayengi jo 100 meter se zyada unchi hain.
Environment Ministry ki report ke anusaar Rajasthan mein maujood 90 se 91 percent Aravali hills 100 meter se kam height ki hain.
Iska seedha matlab yeh hai ki Aravalli ka lagbhag 90% area environmental protection ke daayre se bahar ho sakta hai.
Aravali mountain range Gujarat se shuru hokar Rajasthan, Haryana aur Delhi NCR tak lagbhag 692 kilometer tak faili hui hai.
Ye range sirf pahadon ka group nahi, balki North India ki natural shield hai jo Thar Desert ko east ki taraf badhne se rokti hai.
Agar Supreme Court Aravalli decision ke baad pahadon ki height aur unka legal status kamzor hota hai, to iska asar kaafi gehra ho sakta hai.
Kam height hone par hawa bina kisi rukawat ke pass ho jayegi, jisse East Rajasthan mein rainfall kam ho sakti hai.
Thar Desert dheere-dheere purab ki taraf badhega aur Rajasthan ka bada hissa semi-desert se complete desert zone mein badal sakta hai.
Impacted Cities
Iska impact sirf Rajasthan tak seemit nahi rahega. Delhi NCR mein dust storms aur air pollution ka level aur badhne ka khatra bhi rahega.
Saath hi, Aravalli ke jungle khatam hone se wildlife habitats, birds aur biodiversity par bhi bahut bura asar padega.
Aravali mountain range duniya ki sabse purani mountain ranges mein se ek hai. Iski utpatti Pre-Cambrian period mein, lagbhag 2.5 se 3 billion saal pehle hui thi.
Ye ek fold mountain thi jo aaj erosion ke kaaran residual mountain ke roop mein bachi hui hai.
Rajasthan Ki Lifeline Ab Bach Payegi Ya Nahi!”
Rajasthan mein Aravalli range Bangar region ko Central Highlands se alag karti hai aur desert ke expansion par natural brake lagati hai. Isi range par sthit Mount Abu, Aravali ka sabse uncha hissa hai, jahan Guru Shikhar (1722 meter) Aravali ki highest peak hai.
Yahin par prasiddh Dilwara Jain Temples sthit hain, jo tourism aur religious importance dono ke liye mashhoor hain.
Isliye Supreme Court Aravali decision ko sirf legal ya technical mudda nahi maana ja sakta.
Ye decision paani, mausam, environment, agriculture aur future generations se juda hua ek gambhir sawal hai. Aravali bachegi to hi Rajasthan ka ecological balance bacha rahega.
