Tatkal Ticket Booking New Rule
Doston, abhi Railway ne kuch mahine pehle ek naya update release kiya tha jisme bataya gaya tha ki Tatkal ticket booking ke liye Aadhaar se linked mobile number ka OTP submit karna mandatory hoga.
OTP submit karne ke baad hi aap apni train ki Tatkal ticket book kar paoge.
Ye update pehle hi 322 trains par apply kar diya gaya hai aur dheere-dheere har train par apply kiya ja raha hai.
Lekin ab isi process me ek naya step add kar diya gaya hai.
Ticket Cancel + Legal Action
Jo bhi log is naye step ko follow nahi karenge, unki Tatkal ticket booking agar ho bhi jaati hai, to ticket cancel kar di jaayegi.
Sirf cancel hi nahi, balki legal action bhi liya jaayega.
Railway Act 1989 ke Section 143 ke under isse punishable offence mana gaya hai.
Iske saath-saath jo PNR generate hota hai, usse complaint ke roop me National Cyber Crime Portal par forward kar diya jaayega.
Isliye update ko dhyaan se samajhna bahut zaroori hai. Is update ko aap chaaho to Railway ki official website par jaakar bhi check kar sakte ho.
Tatkal Ticket Booking Verification Call
Agar aapne apni Tatkal ticket booking 10:00 se 10:15 ke beech ya phir 11:00 se 11:15 ke beech ki hai, to verification call aane ke chances hain.
Har baar call aaye, ye zaroori nahi hai, lekin verification call aa sakti hai.
Verification Call Me Kya-Kya Check Hoga?
Verification call par aapse ye details verify ki ja sakti hain:
- PNR number
- User ID
- Passenger details
- Passenger ka mobile number
Jaise:
- Aapne kis passenger ki Tatkal ticket book ki hai
- Wo passenger kaun hai
- Aapka relation kya hai
Ye saari information verify ki ja sakti hai.
Galat Information Di To Kya Hoga?
Agar aap galat ya misleading information dete ho, to:
- Sabse pehle Tatkal ticket cancel kar di jaayegi
- Uske baad legal action liya jaayega
- Case Railway Act 1989 – Section 143 ke under treat hoga
Isliye make sure karein ki Tatkal tickt bilkul sahi tareeke se book ho.
Aravalli Bachegi Ya Tabah Ho Jayegi?Supreme Court Ka Bada Faisla!
