Tatkal Ticket Booking For Family
aaj hum clear cut dekhne wale hain ki aap apni IRCTC personal user ID se kis-kis ki train Tatkal ticket booking kar sakte ho.
Railway ke rules exactly kya kehte hain. Main aapko bina ghumaye, bilkul to-the-point samjhaunga.
Isse pehle ek bahut important baat dhyan se sun lijiye 👇
Agar aap Railway ki guidelines follow nahi karte, to yeh punishable offence maana jata hai.
Railway Act 1989 – Section 143 Ka Risk
Agar aap galat tareeke se train ticket booking karte ho, to yeh Railway Act 1989 ke Section 143 ke under aata hai.
Is case me:
- Aap par fine lag sakta hai
- Jail tak ho sakti hai
Aur ab railway ne ek naya strict Rule bhi add kar diya hai.
Suspicious PNR Aur Cyber Crime Complaint
Agar aap galat tareeke se Tatkal ticket book karte ho, to:
- Ticket book hote hi PNR generate hota hai
- Agar activity suspicious lagti hai to PNR suspicious mark ho jata hai
- Yeh PNR National Cyber Crime Portal par automatically complaint ke roop me forward ho jata hai
- Uske baad alag se legal action start ho jata hai
Matlab simple shabdon me kahe to,galat booking karoge to bachne ka chance nahi bachta.
Railway Guideline – Sabse Important Rule
Railway ka sabse pehla aur clear rule yeh kehta hai 👇
Aap apni IRCTC personal user ID se:
- Apni ticket
- Friend
- Family
- Relative
ki train ticket book kar sakte ho
👉 Lekin ek bahut badi condition ke saath.
Commercial Use Bilkul Mana Hai
Railway ka rule bilkul clear hai:
Aap kisi bhi passenger ki ticket commercial purpose ke liye book nahi kar sakte.
Matlab:
- Kisi se paise lekar ticket book karna ❌
- “Main book kar deta hoon, tum mujhe paise de dena” ❌
Yeh sab illegal hai.
“Friend” Bol Kar Bach Nahi Paoge
Bahut log sochte hain:
Friend ki ticket allowed hai, to kisi ki bhi book kar do aur bol do friend hai
Yeh soch bahut dangerous hai.
IRCTC ko yeh nahi pata hota kaun friend hai aur kaun nahi, lekin agar PNR suspicious ho gaya, to aapko justify karna padega.
Kiski Ticket Book Kar Skte h
Agar aap:
| Maa | Papa |
| Bhai | Behen |
| Uncle | Aunty |
Jaise close blood relation ki ticket book karte ho, to koi issue nahi hota.
Friend Ki Ticket Book Karni Hai To?
Aap friend ki ticket book kar sakte ho, lekin safe rehna chahte ho to ek best trick hai 👇
👉 Usi PNR me khud bhi passenger ban jao
Jaise:
- 4 log ki Tatkal booking
- Unme se 1 passenger aap khud
Is case me easily justify ho jata hai ki sab friend hain.
Door Ke Relative Ya Unknown Case
Agar:
- Bahut door ka relative
- Ya koi aisa banda jo clearly family/friend category me nahi aata
to best option yeh hai:
- Unko apni khud ki IRCTC personal ID banane ko bolo
- Aap sirf booking me help kar do
Ya phir 👇
- Kisi IRCTC authorised agent ke through ticket book karwa do
Agent se booking hone par koi legal problem nahi hoti.
Final Conclusion
- Personal ID se booking allowed hai
- Commercial use bilkul allowed nahi
- Suspicious booking par PNR + Cyber Crime complaint ja sakti hai
- Close relation safe hai
- Friend ke case me PNR me khud hona safest option
- Door ke logon ke liye own ID ya authorised agent best hai
Aravalli Hills Par Khatra? Rajasthan Ki Lifeline Ab Bach Payegi Ya Nahi!”
