Book Train General Ticket From Mobile
Aaj hum detail mein samjhenge ki aap apne mobile phone se, bina station jaaye, General Train Ticket kaise book kar sakte ho.
Is ticket ko kai log Unreserved Ticket ya phir Chalu Ticket bhi kehte hain.
- Mobile se general ticket kaise nikale
- Train mein TTE ko ticket kaise dikhaye
- Ticket kitni der tak valid hoti hai
- Express aur Superfast train ka ticket kaise select kare
Toh chaliye shuru karte hain.
📲 General Ticket Book Karne Ke Liye Kya Chahiye?
Mobile se train ki general ticket book karne ke liye aapko Indian Railway ka official UTS App chahiye hoga.
Ye app aapko Play Store aur App Store dono jagah mil jayega.
Sabse pehle UTS app install karke open kar lijiye.
App open karte hi aapse location permission maangi jaayegi — isse allow karna zaroori hai.
📝 UTS App Registration Process
Agar aap pehli baar UTS app use kar rahe hain, toh ek baar registration karna padega.
- My Profile par click kare
- Neeche Register option par tap kare
- Apna mobile number, naam aur password enter kare
- Gender aur Date of Birth select kare
- Generate OTP par click kare
- Mobile par aaya OTP submit kare
OTP verify hote hi aapka registration successful ho jaayega.
🔐 Login Kaise Kare
Registration ke baad phir se My Profile mein jaakar:
- Mobile number already filled hoga
- Apna password daal kar Login kar dijiye
Login ke baad aap UTS app ke home screen par aa jaoge.
🎟️ General Ticket Booking Process
Home screen par ensure karein ki Journey Ticket option select ho.
Yahan aapko do options milenge:
- Book & Travel (Paperless)
- Book & Print (Paper)
👉 Best option hai Book & Travel – Paperless, kyunki isme aapko koi printout nahi nikalna padta.
Mobile mein hi ticket dikha kar travel ho jaata hai.
🚉 From – To Station Select Kare
- Depart From: Jahan se aap travel start karoge
- Going To: Jahan tak aapko jaana hai
Station ka thoda sa naam type karke select kar lijiye.
Uske baad Get Fare par click karein.
👥 Passenger & Train Type Select Kare
- Adults / Child select kare
- Ticket Type: Journey
- Train Type:
- Express
- Superfast
⚠️ Alert:
Jis type ki ticket book karoge, usi type ki train mein hi baithna hoga.
⏱️ Ticket Validity Important Rule
UTS se book ki gayi general ticket sirf 3 ghante tak valid hoti hai.
Matlab 3 ghante ke andar-andar aapko train mein baithna zaroori hai.
Journey chahe 5 ghante ki ho, koi problem nahi — bas boarding 3 ghante ke andar honi chahiye.
🚆 Kaunsi Train Aane Wali Hai Kaise Dekhe?
Neeche option milega:
Next Upcoming Train for Selected Route
Yahan aap dekh sakte ho:
- Train timing
- Express ya Superfast
- Train code (XP / SF)
Isi ke hisaab se ticket type select karein.
💳 Payment Process (UPI / Card)
Payment ke liye:
- Debit Card
- Credit Card
- Net Banking
- UPI (PhonePe, GPay, Paytm)
UPI select karke apni UPI ID daalein aur payment approve kar dein.
Payment successful hote hi ticket book ho jaayegi.
❌ Screenshot Dikhana Allowed Nahi Hai
Bahut log ticket ka screenshot le kar TTE ko dikhane ki galti karte hain — ye allowed nahi hai.
Railway app screenshot lene bhi nahi deta.
📶 Internet Nahi Ho Toh Bhi Ticket Dikha Sakte Ho
Ticket book karne ke baad internet ki zarurat nahi hoti.
UTS app open kare →
Show Ticket →
View Ticket
Isi screen ko TTE ko dikhakar aap travel complete kar sakte ho.
Is tarah se aap UTS app se mobile ke through general train ticket easily book kar sakte ho — bina line mein lage, bina counter jaaye.
Secret Tricks Se REGRET ke baad confirm ticket
