Advance Ticket Booking
Well agar aap apni train ka 60 din pehle advance ticket book karne ja rahe ho, to ek cheez aapke dimaag me normally aati hai.
Aap sochte ho ki bhai jab 60 din pehle booking open hoti hai, to train me seats to bhari hui hongi — kam se kam 300–400 seats easily available honi chahiye.
Aakhir train hai, bus thodi na hai jisme sirf 50–60 seats hoti hain.
Lekin reality jab aap booking screen pe pahunchte ho, to scene bilkul ulta hota hai.
Screen par sirf 50, 60 ya maximum 100 seats hi available dikh rahi hoti hain. Tab dimaag me ek hi sawal aata hai —
👉 Baaki seats gayi kahan?
👉 Railway itni saari seats chhupa ke kyun rakhti hai?
👉 Aur jab seats kam dikh rahi hain, to confirm ticket milegi kaise?
Aaj main aapko poora logic aur practical reason detail me samjhane wala hoon. Saath hi, ye bhi bataunga ki kam seats hone ke baad bhi confirm ticket kaise book karni hai.
Advance Booking Me Seats Kam Kyun Dikhti Hain?
Iske peeche mainly do bade reasons hote hain.
✅ Reason 1: Station-Wise Seat Reservation
Railway har train me har station ke liye kuch seats pehle se reserve karke rakhti hai.
- Agar station chhota hota hai, to approx 5–10 seats reserve hoti hain
- Agar station bada ya junction type ka hota hai, to 45–55 seats tak pehle se block kar li jaati hain
Is wajah se jab aap source station se advance booking check karte ho, to aapko poori seats open nahi dikhti.
✅ Reason 2: Different Quota System (Main Reason)
Railway me alag-alag quota system hota hai, jaise:
- Ladies Quota
- Senior Citizen Quota
- Divyang (PWD) Quota
- Tatkal Quota
- Premium Tatkal Quota
Aapne notice kiya hoga ki kai baar normal booking me waiting chal rahi hoti hai, lekin jaise hi Tatkal time aata hai, achanak seats available dikhne lagti hain.
Ye seats kahin ekdum se nahi aati — ye wahi seats hoti hain jo railway pehle se quotas ke liye bachakar rakhti hai.
Isi wajah se jab aap 60 din pehle booking karte ho, to aapko limited seats hi show hoti hain.
🎯 Confirm Ticket Kaise Mile?
Ab sabse important part — solution 👇
Pehle railway 120 din pehle advance booking allow karti thi, tab thoda pressure kam hota tha.
Lekin ab booking window 60 din ki ho chuki hai, jisse traffic double ho gaya hai.
👉 Advance booking exact subah 8:00 AM par open hoti hai.
👉 Aapko booking aise karni hoti hai jaise Tatkal ticket karte ho — fast, ready aur focused.
Pro Tips:
- IRCTC login pehle se karke rakho
- Passenger details already saved honi chahiye
- Payment method ready rakho (UPI / Card)
- 7:59 AM se hi search screen pe active raho
Agar maan lo sirf 30–40 seats available hain aur booking karne wale 500 log, to jo sabse fast hoga wahi confirm ticket le jayega.
Slow hue to waiting list milna almost confirm hai.
Train Ticket Booking REGRET Kya Hota Hai?
