Train Ticket Booking Regret
Main aapko train ticket ki booking ke andar jo regret hota hai isse related teen important point ke baare me detail me baat karne wala hoon.
Sabse pehla ki aakhir ye regret hota kya hai, baar-baar aapko ticket booking ke andar ye dikh kyu raha hai,
isse aap kaise bach sakte hain, aur ek sabse main important point ki agar aapko train ticket ki booking ke andar regret show ho raha hai to aisi condition me bhi aap train ki confirm ticket ki booking kaise kar sakte hain.
Aapko do easy tarike bhi batane wala hoon.
Ticket Booking Regret Kya Hota H or Kyu Aata Hai?
Sabse pehle samajhte hain ki regret kis cheez ka naam hai aur ye aapko baar-baar kyu mil raha hai.
Train me pehle kuch khali seat hoti hain yani available seat hoti hain.
Ye seat jab bhar jaati hain to railway waiting wali ticket dena shuru kar deta hai.
Lekin waiting ticket ko book karne ki bhi railway ne ek limit set ki hai.
Waiting ticket 200-300 number tak nahi milti, har train ki ek limit hoti hai.
Jab waiting ki limit bhi cross ho jaati hai to railway wahan par regret likh deta hai.
Regret ka matlab hota hai ki ab is train me aap waiting wali ticket ki booking bhi nahi kar sakte.
Ticket Booking Regret Se Kaise Bache?
Ab samajhte hain ki aap isse bach kaise sakte hain.
Har train ki booking 60 din pehle shuru ho jaati hai. Journey ke 60 din pehle train ticket ki booking shuru hoti hai.
Agar festival ka time chal raha hai jaise holi, diwali, eid, dashahra to 60 din pehle subah ke 8:00 baje booking karne aaiye.
8:00 baje se 1 se 2 minute ke andar agar aap booking kar lete hain to aapko regret nahi milega aur aap aasani se ticket ki booking kar lenge.
Agar aap 9:00 baje se booking karne aayenge to aisa nahi hoga kyunki busy route ya long distance train me 8:00 baje se 1 se 2 minute ke andar hi seat full ho jaati hain aur regret show hone lagta hai.
Regret Me Bhi Confirm Ticket Kaise Milega?
1. Station Change Karke Booking Try Kare
Agar aapko regret show ho raha hai to jahan se lekar jahan tak booking kar rahe hain usse 2 se 3 station pehle se booking try kare.
Jaise train A se F station tak ja rahi hai aur aap C se F tak booking kar rahe hain aur regret show ho raha hai, to aap B ya A station se booking try kare.
Station wise bhi quota hota hai aur wahan seat available ho sakti hai.
Booking ke baad aap apna boarding station C set kar sakte hain jahan se aapko train me baithna hai.
2. Tatkal Ticket Booking Ka Use Kare
Agar aap kahin se bhi confirm ticket nahi kar paa rahe hain to last option tatkal ticket booking hai.
Railway tatkal quota ke liye seat reserve rakhta hai.
Jab tatkal booking open hoti hai tab aap confirm ticket nikal sakte hain.
Lekin yahan aapko fast booking karni padegi kyunki regret hone ke baad bahut log tatkal booking ke liye aate hain.
Tatkal Ticket Booking OTP Rule
