Voter list me # Meaning
Doston, Election Commission of India ki taraf se SIR 2026 ki final matdata suchi 10 April ko portal par daal di gayi hai.
Aap abhi website par aakar ke apna jo naam hai check kar sakte ho ki aapka jo naam hai woh sammilit hai ya nahi hai.
Lekin hum baat karne wale hain un symbols ke baare mein jo matdata suchi ke andar dekhne ko milte hain.
Hash (#) Symbol ka Meaning
Agar aapke naam ke aage hash laga hua hai to bilkul bhi darne ki zarurat nahi hai. Ye ek computer generated information hoti hai.
Ye tab aata hai jab aapke voter card ke andar koi correction hua ho ya recent update hua ho jaise naam, father name ya date of birth ke andar change.
System detect karta hai ki kuch change hua hai isliye ye symbol show hota hai.
Iska simple matlab hai ki aapka naam final list ke andar aa chuka hai aur aap voting kar paoge.
Under Adjudication
Agar naam ke aage “Under Adjudication” likha hua hai to iska matlab hai ki aapka naam list mein hai lekin aap abhi vote nahi kar paoge.
Aapne documents submit kiye hain lekin unka approval abhi pending hai. District level par verification chal rahi hoti hai.
Is case mein aapko wait karna hai. Approval milne par naam next list mein normal ho jayega.
Deleted After Adjudication
Agar naam ke aage “Deleted After Adjudication” likha hai to iska matlab hai ki aapka naam list se hata diya gaya hai.
Ye tab hota hai jab documents verify nahi ho paate ya aapki identity prove nahi hoti.
Is case mein aap Form Number 6 bhar ke dobara naam jod sakte ho ya appeal kar sakte ho DM ya DEO ke paas.
Deleted (S – Shifted)
Agar “Deleted” ke saath S likha hai to iska matlab hai Shifted.
Yani aapne apna voter card kisi doosri location par transfer kar liya hai. Isliye purani list se naam hata diya gaya hai.
Is case mein aap wahan vote nahi kar paoge.
Q (Disqualified)
Agar Q symbol aata hai to iska matlab Disqualified hai.
Aapka naam list mein hai lekin aapka voter right confirm nahi hai.
Verification chal rahi hoti hai.
Is situation mein aapko BLO ya election officer se contact karke documents dene honge.
E (Expired)
Agar E likha hai to iska matlab Expired hai.
Yani voter ki death ho chuki hai aur naam list se hata diya gaya hai.
M (Missing)
Agar M likha hai to iska matlab Missing hai.
BLO verification ke time par voter available nahi mila, isliye unhe missing category mein daal diya gaya.
R (Repeated)
Agar R likha hai to iska matlab Repeated hai.
Yani ek hi person ka naam do jagah par tha. Duplicate entry hone ki wajah se ek entry delete kar di gayi.
“1” Symbol
Kuch logon ke naam ke aage 1 likha hota hai.
Ye un logon ke liye hota hai jinhone recently Form Number 6 bhar ke naam jodwaya hai. Ye bhi ek system generated indication hai.
At Last
Agar aapke naam ke aage hash (#) ya 1 likha hai to tension lene ki koi zarurat nahi hai. Aapka naam final list mein hai aur aap voting kar paoge.
Lekin agar “Under Adjudication”, “Deleted”, “Q”, “M”, “R” jaise symbols aate hain to aapko situation samajh kar ya to wait karna hai ya action lena hai jaise Form Number 6 bharna ya appeal karna.
Is tarah se aap easily samajh sakte ho ki matdata suchi ke andar aapke naam ke aage jo symbol hai uska actual meaning kya hai aur aapko kya karna chahiye.
New Pan Card Apply Online 2026 New Process
