Case Cancel Kaise Kare
Aaj hum log jaanne wale hain ki agar aapke paas mein sirf ek saboot bhi hai jo aapki begunaahi ko sabit kar sakta hai to aap apne poore case ko cancel karwa sakte ho.
Aisa Supreme Court keh raha hai judgement ke through ek nayi guideline jari ki hai ki agar ek bhi saboot aapke paas mein hai jisse bas yeh proof ho raha hai ki aap us case mein involved nahi the to wo maamla aapke upar se cancel ho jayega
aur yeh jo judgement hai yeh abhi ka hai, 6 April 2026 ka hai.
High Court kab Case cancel karna padega
Specially yahan pe bata diya hai ki kab-kab High Court ko mukadma cancel karna padega.
Agar koi bhi vyakti aise saboot High Court ko dikha deta hai canceling ke time pe.
Pehla charan:
Pehla charan kya hai abhiyukt dwara bharosa ki gayi samagri thos hai.
Koi bhi aadmi jab apna mukadma cancel karne ke liye High Court jata hai ki bhai trial court mein ya phir police ke mere khilaf jo FIR darj ki hai wo jhoothi hai.
Ab koi bhi saboot jab wo High Court mein de raha hai kya wo thos saboot hai.
Pehli cheez High Court ko yeh dekhna hai aur tark sangat aur nirvivad.
Tark sangat ka matlab hai ki kya us case se judi hui hai aur nirvivad ka matlab hai ki bhai uske upar checking ke upar koi clash nahi hai.
Kai baar hota hai na ek party ne saboot de diya doosre ne keh diya ji yeh to AI se bana ke laya hai, yeh to forgery karke laya hai.
To wo jo saboot hona chahiye wo nirvivad hona chahiye yani ki original hona chahiye, us maamle se juda hua hona chahiye.
Aur agar thos saboot hai aur bina kisi galti ke hai aur usse uski begunaahi sabit ho rahi hai to us case mein High Court ko mukadma cancel kar dena chahiye.
Is case mein kya hua tha ek CCTV camera ki footage se pata chal raha hai ki crime scene pe koi aadmi tha hi nahi aur uska naam mukadme mein likhwa rakha hai.
To jab footage se pata chal raha hai ki bhai wo crime scene pe hai hi nahi aur usne apna ek saboot aur de diya ki main us time pe kahan tha, phir uska naam mukadme mein kyun dala. To is poore affair ko cancel kar diya.
Doosra charan: Saboot aarop ko kharij kare
Doosra charan kya abhiyukt dwara prastut samagri abhiyukt ke viruddh lagaye gaye aaropon ke nihit kathnon ko kharij kar degi.
Yani ki usne koi bhi aisa saboot court ko diya jisse uski begunaahi sabit ho rahi hai. Jaise CCTV se saaf pata chal raha hai banda tha hi nahi.
To kya samagri shikayat ke tathyaatmak kathnon ko aswikar karne aur nirast karne ke liye paryapt hai.
Jab dikh raha hai ki jis bande pe case hai wo wahan hai hi nahi aur uska naam sirf badnaam karne ke liye dala gaya hai to court ko mukadma cancel kar dena chahiye.
Teesra charan: Saboot ka khandan na ho
Teesra charan kya abhiyukt dwara bharosa kiye gaye sabooton ka abhiyojan paksh dwara khandan nahi kiya gaya.
Yani ki doosri party bhi maan rahi ho ki saboot original hai.
Jaise is case mein CCTV tha aur doosri party ne maan liya ki recording original hai, usme koi chhedchhad nahi hui hai.
To jab dono party maan rahi hai ki saboot sahi hai aur usse yeh proof ho raha hai ki vyakti involved nahi tha to mukadma cancel kar dena chahiye.
Chautha charan: Court ka time waste ho raha ho
Chautha charan kya mukadme ki karwai jari rakhne se nyayalay ki prakriya ka durupyog hoga.
Kai baar hota hai ki case chalana sirf court ka waste of time hota hai.
To aise mukadme ko High Court ko cancel kar dena chahiye.
Canceling process (Section 482 / 528 BSS)
Do tareeke se canceling laga sakte ho High Court ke andar. Ek High Court mein jaake aur doosra ghar baithe.
Ek CRPC ka section hota hai 482 aur naye kanoon mein yeh section 528 BSS ho gaya hai.
Iske tahat petition ready hoti hai jisme aap apne facts rakhte ho ki aapke khilaf FIR ya case mein kya baatein jhoothi hain aur aapke paas kya thos saboot hai.
Saath mein stay application bhi lagate ho jisse neeche wali proceedings pe stay lag jata hai.
Kab High Court ja sakte ho
Jaise hi aapke khilaf FIR darj hoti hai aap turant High Court ja sakte ho.
Agar police ne charge sheet file kar di hai tab bhi ja sakte ho.
Agar direct court case hua hai aur procedure follow nahi hua tab bhi High Court ja sakte ho.
Online canceling option
Aap ghar baithe bhi 482 aur 528 ki petition laga sakte ho video conference ke through.
E-court ke through petition bhej sakte ho aur online apna case rakh sakte ho.
Case Example (Detail)
Is case mein ek vyakti ke upar kai dhara laga di gayi thi jaise 143, 341, 323, 324, 504, 506, 509, 427 aur 354.
Aarop tha ki wo aur log milkar ghar mein ghus gaye aur galat kaam kiya.
Lekin CCTV footage se pata chala ki wo vyakti wahan tha hi nahi.
Usne yeh bhi sabit kar diya ki wo us time kahaan tha.
Is ek thos saboot ke basis par Supreme Court ne High Court ka order hata diya aur FIR ko cancel kar diya.
Final word
To agar aapke paas mein bhi koi thos saboot hai jisse aapki begunaahi sabit ho rahi hai to aap is guideline ka use karke High Court mein canceling laga sakte ho aur apna case cancel karwa sakte ho.
