RailOne App Monthly Pass Kaise Banaye
Aaj hum log total do cheezon ko samajhne wale hain.
Sabse pehla ki kaise aap railway RailOne application ki madad se apna season ticket yani ki monthly pass ko aap bana sakte hain.
Dusre process me hum log yeh dekhenge ki jab aapke train me TT aayenge to unko aap apna monthly pass apne mobile phone me dikhayenge kaise?
Kyunki yahan pe screenshot wagairah dikhane se kaam nahi chalta hai. Pass ko bhi mobile phone me dikhane ka ek alag sa process hota hai.
Agar aap sahi tareeke se nahi dikhayenge na to aapke upar yahan pe fine lag jayega.
To pass ko aapko kaise TT ko dikhana hai, us process ko bhi bilkul detail me main aapko cover karne wala hoon.
RailOne Application Login Process
Sabse pehle aapko apne mobile phone me Rail One application ko ek baar open kar lena hai.
Application ke open ho jaane ke baad na yahan pe aap koi bhi apne ticket wagairah ki booking ka process karein, usse pehle aapka is application ke andar me account hona zaruri hai.
Yani ki registration zaruri hai.
Ab registration ke liye aapke paas yahan pe chaar tarah ke option hain.
Sabse pehla option agar aap bilkul naye ho to simple apna mobile number enter kariye, register wali button pe click kariye.
Aapke mobile number pe ek OTP aayega. Apna full name likh ke registration complete kar sakte hain.
Dusra option hai agar aapka Rail Connect application ke andar account hai to uski user ID aur password likh ke login kar sakte hain.
Teesra option agar aapne UTS application me account banaya hua hai to uski detail se bhi aap yahan pe proceed kar sakte hain.
Unreserved Season Option Select Kare
Login ho jaane ke baad application ka main home page aa jayega.
Aapko second option pe click karna hai Unreserved wale option pe.
Jab is pe click karenge na upar aapko do option dikhai denge.
Aapko yahan pe Season pe click karna hai.
Ab yahan pe phir se do option milenge. Pehla option hai Issue ka.
Agar aap naya monthly pass bana rahe hain to Issue pe rehne dijiye.
Agar aapne pehle pass bana rakha hai aur usko renew karna hai to Renew karenge.
Date aur Journey Details Select Kare
Ab aapko do type ke buttons milenge — Next Date aur Current Date.
Agar aap Current Date pe click karte hain to jis date pe aap process kar rahe hain usi date se pass ban jayega.
Agar aap Next Date select karte hain to next date se monthly pass start hoga.
Ab From pe click karke apna station select kariye. Jaise example me Delhi To jaipur.
Sab set karne ke baad Proceed to Book pe click kariye.
Train Type aur Duration Select Kare
Next page pe aapko train ka type select karna hai — Express, Superfast ya Other.
Phir aapse duration pucha jayega — Monthly, Quarterly (3 mahine), Half Yearly (6 mahine), ya Yearly (1 saal).
ID Card Add Kare
Ab ek important option aata hai Update ID ya Edit ID. Is pe click kariye.
Aap koi bhi ID select kar sakte hain jaise PAN Card, Government ID ya Voter ID Card.
Jo ID select karenge uska number enter karke submit kariye.
Ek cheez ka dhyaan rakhiye — jo ID aap yahan pe lagayenge usko journey ke time saath me rakhna padega.
Payment Process Complete Kare
Ab Proceed to Pay pe click kariye.
Aapko 3 payment options milenge:
- R Wallet
- UPI (PhonePe, Google Pay, Paytm)
- Debit Card, Credit Card, Net Banking
Payment complete karte hi aapka monthly pass instantly book ho jayega aur cashback bhi mil sakta hai.
TT Ko Monthly Pass Kaise Dikhaye
Ab yahan pe ek timer ke saath pass dikhega. Isi ko TT ko dikhana hota hai.
Lekin screenshot kaam nahi karega.
Aapko application ke home pe wapas jana hai → My Bookings pe click karna hai → View Details pe click karna hai.
Yahan timer fir se start hoga. Isi live screen ko TT ko dikhana hai.
How to Order Food in Train at your Seat
